傳媒主播出身。
《全民造星IV》87號葛綽瑤（Yoyo）雖然敗給11號鍾君珩（Dru）跌入復活區，不過連花姐都話寧願放棄MIRROR簽她，加上勁得男工作人員歡心，就知她必定被救。其實Yoyo是傳媒主播出身，習慣面對鏡頭，仲有頗多舞台演出經驗，又有8級芭蕾舞底子。追問勁有異性緣的Yoyo有冇男朋友？她就拒絕回應，咦，好有條件食呢行飯喎！
點擊看圖輯
Yoyo小學及中學都是合唱團成員，又學過聲樂及有8級芭蕾舞實力。
Yoyo被追問有冇男友時，直接話：「呢個唔答。」
Yoyo自小已熱愛唱歌跳舞。
Yoyo面試時已獲花姐勁讚話寧願放棄MIRROR簽她。
Yoyo邊跳邊唱《Lydia》，最終一盞都冇敗給 Dru。
Yoyo在社交平台貼出的相，多數走甜美風。
大賣甜美的87號葛綽瑤（Yoyo），暫時未能進入60強。
Yoyo小學及中學都是合唱團成員，又學過聲樂及有8級芭蕾舞實力。
Yoyo被追問有冇男友時，直接話：「呢個唔答。」
22歲Yoyo自小已熱愛唱歌跳舞，小學及中學都是合唱團成員，又學過聲樂及有8級芭蕾舞實力，但考過演藝學院戲劇系失敗的她，一直冇自信，今次在朋友鼓勵下毅然參賽，「我相信參加咗人生會好唔同，所以畀個機會自己試吓，可惜同朋友一齊參加，佢哋入唔到圍。」
Yoyo自小已熱愛唱歌跳舞。
Yoyo面試時已獲花姐勁讚話寧願放棄MIRROR簽她。
望有更多女fans
參賽前Yoyo曾在傳媒機構出任主播，她坦承對參賽有一定幫助，「雖然我講嘢唔係好叻，同埋冇乜自信，但起碼對住鏡頭我唔會太驚。」但她覺得最大優勢不是傳媒工作經驗，反而是軟實力的笑容，「優勝可能係同參賽者相處，佢哋話我係『笑容擔當』，我又唔覺嘅，純粹本身鍾意笑，同埋笑係掩飾我嘅尷尬。」
Yoyo邊跳邊唱《Lydia》，最終一盞都冇敗給 Dru。
對於甜笑除了打動對手，更冧盡一眾男工作人員，Yoyo就否認：「冇咁樣覺得，聯絡我哋都係女工作人員，可能我對佢哋（男工作人員）有禮貌。」不過她都承認做藝人異性緣旺都重要，「不過我都希望多啲女仔鍾意，吸引到女仔鍾意仲難。」追問Yoyo的感情狀況，她即時落閘拒絕回應，更向工作人員求救。
Yoyo在社交平台貼出的相，多數走甜美風。
預變「喊包」惹負評
Yoyo坦承早已有心理準備面對負評，「好定壞都要接受，可能畀到一個咁樣嘅感覺人哋，先會咁樣講你，所以都有改善空間。」她預告節目中的「喊包」表現可能會惹來負評，「我係比較眼淺嘅人，通常唔係唔開心喊，係聽人哋嘅分享，人哋講自己經歷，我好容易觸動到，同埋啲熱血情況，我又會忍唔住喊，呢樣嘢係要改善，唔想個個鏡頭都喺度喊，會有啲煩，我知道佢哋（節目組）一定會咁樣剪落去。」參加過《再見一次》等多個舞台劇演出的Yoyo，最希望未來可以演戲、綜藝及唱歌各方面都有演出機會。
大賣甜美的87號葛綽瑤（Yoyo），暫時未能進入60強。
